Bridge to Nepal & Nepali

Entertainment => Muktak ,Poems, Stories,Articles and Literature => Topic started by: महाँकाल on April 12, 2011, 08:54:48 PM

Title: फेसबूकको कविताहरु!
Post by: महाँकाल on April 12, 2011, 08:54:48 PM
कविता-यात्रा facebook

~Astha Chhetri

नयाँ साल तिमी आउ ******
नयाँ सौगात ,कोसेली ,शुभेक्षा लिएर आउ
निस्पट्ट अन्धकारमा भट्किएका हामीमा
ज्ञानको उज्ज्वल किरण छर्दै आउ |

नयाँ साल तिमी आउ *****
आत्मबल ,अध्यनशिल्ताको ज्योति छर्दै आउ
साम्प्रदायिक भेदभाव लिएर होइन
मानवताको आदर्श भावना लिएर आउ |

नयाँ साल तिमी आउ *****
बिकास ,चेतना ,ज्ञानको ढुकुटी भर्दै आउ
युद्धको विभिषिका लिएर होइन
न्याय अहिंसा र शान्ती लिएर आउ
युद्ध होइन अब देशमा शान्ती ल्याँउने
बुद्ध लिएर आउ ,बुद्ध लिएर आउ ||

( अन्जुलीभरी फुल टिपी मिठो स्वागत नयाँ साललाई )

***********************************

२०६७ को लागि,
यो बर्षमा धेरै सिकें, जिउन जिन्दगी,
नशा बनाई खुशीसँग,पिउन जिन्दगी,
जहाँ पनि जीत भेटें,आशु पनि जित्दा झर्यो,
फाटे पनि मनले सिकें, सिउन जिन्दगी,
यो बर्षमा धेरै सिकें, जिउन जिन्दगी,
नशा बनाई खुशीसँग,पिउन जिन्दगी !!

२०६८ को लागि,
जे जे आउँछ बाटो भरी सामना गर्न सकूँ,
फेरी पनि जीतै जीतको चाहाना गर्न सकूँ,
सब्लाई आफ्नो ठानेको छु मनमा बास सबको मेरो,
बर्षौं बर्ष यस्तै सबको कामना गर्न सकूँ,
जे जे आउँछ बाटो भरी सामना गर्न सकूँ,
फेरी पनि जीतै जीतको चाहाना गर्न सकूँ !!

गिरी सरोज
*************************************

नया वर्षको शुभकामना

नया वर्षको नाममा,
वर्षौदेखी,
हरेक वर्ष,
...अनेकौ नया वर्ष मनाई - मनाई,
शान्ति, सम्वृद्दी र सुस्वास्थ्यको कामना लिदा-दिदा,
वर्षेनी हरिकंगाल भइसकियो,
अब नया वर्षको पनि केही आश छैन,
यसपाली त ,
पुरानै वर्षका सुख- शान्ति अल्या गरेर लैजाने तयारी गर्दै छु /

~Birkha Chhetri


Title: Re: फेसबूकको कविताहरु!
Post by: महाँकाल on April 12, 2011, 09:13:29 PM

कविता-यात्रा facebook

~Manu Lohorung
~इजरायलमा रहँदा मेरो देश र लुंग्वाको झल्को~

हौ लुंग्वा!
अर्धचेत ओढेर निदाएछौँ
र हामीलाई समयले नै थिचेछ।
आफ्नो देश्को प्रत्येक सिमाहरुमा
हर बिहान मुट्ठी उज्याएर चिच्याउने
इजरायलीहरु देखेर म ब्युँझिदैछु।
डर लाग्दो सपनाको झस्को-
अर्धचेतन विष्फोट/उन्मुख चेतनको बज्र
यो औंशीले ढाकेको सन्त्रासको चिहनमाथी
चार प्रहर छुट्ट्याउन-
कर्तव्यको खोंगीबाट उघारेर छोडी दिन्छु-
म युग बास्ने आधुनिक भाले!

हौ लुंग्वा !
मगमगाउँदो तिम्रो मिक्चिरिम्मा फूल-
आहा !सुवासमा-परागमा
अचेल भरि-भरि रागमा
जैतुनको डाँडामाथि घाम जूनले चुम्बन गर्छन्।
ठिक ! उहीबेला,
मनको ढाकरमा स्वऐन्द्रिक सामल कोचेर
गोर्की समयको भन्ज्याङ काट्न
जिन्दगीलाई धकेल्दै अक्कर चढ्दो छु।
 
हौ लुंग्वा !
बेथहेलेम् शहरको छातीमाथि
अब्राहमको समाधी र जिजसको शिलाकृति सुम्सुम्याउदा
ठाउँको ठाँउ शहिद भएका अनाम देशपुत्रहरुलाई सम्झिएँ।
कि अर्थको एक छेस्को आशा बोकेर
पस्चिमपर्खालमा निधारले अढेस लाउँदा
यहूदीहरुले अड्कल काटेको मेरो फीलिपिनी अनुहार-
तर आफ्नै अभिमानले अभिशप्त म "नेपाली"
महाकाली र दशगजाको सिमातिक्रमण सम्झिदै गर्दा
पेलेष्टिनीहरुको बारुदको धुँवामा देशरक्षाको अदम्य साहास देख्छु।

हौ लुंग्वा!
स्वभिमानको कात्रो ओढेर
मेरो निमेशको भारी फर्छ्यौटको नारा कानमा गुन्जिदा
आँखाका दृष्टिहरु सुक्खा पाउरोटी चपाउँदै गरेका
आधुनिक कृषकहरुको हूलमा पुग्छ।
गेगरभूमि माथि फलेका अंगुरका झुप्पाहरु-
मेरा आँखाको बाईरोड हुँदै आधुनिक सिप
दिमागी भ्यालीमा प्रवेश गर्छन्।

तेसो र लुंग्वा!
हाम्रो त टेरेलिनको गिदी रहेछ।
मार्सीधानको भाते आईरन लागेको-
जैतुनको दानाले छाक बस्ने यहूदीहरुसंग
भोकको सन्तुष्टि सिक्दैछु।
 
कठै! मेरो पाँगो माटो-शालिग्रामको खानी-
भूगर्भिक सुनको बोट धुरुधुरु रोईरहेछ ।
-सिमानामा ब्लकृत आमाको छाती-
सम्वेदना-आधुनिक चिन्तक र चिन्तनको खाँचोमा
-तेसो -ले
हौ लुंग्वा !
अब ! सन्चेतना र विश्वशको झुलो चक्मकले
आफ्नै दिमाग र पाखुराहरुमा आगो झोस्छु ।
Title: Re: फेसबूकको कविताहरु!
Post by: महाँकाल on April 12, 2011, 09:15:30 PM


कविता-यात्रा facebook

कस्को दोष
कनुनविहीन देशमा
गल्ति गरेवापत
सजाय भोग्नु पर्दैन
त्यसैले त्यहाँ बार बार
हजार बार गल्ति गरिन्छ

शिक्षाको नाममा
दुर्व्यसनी बाँडिन्छ
स्वाभिमानताको
नाममा गल्त
प्रचार प्रसार गरिन्छ

राष्ट्रिय जनावर बाघ
राष्ट्रिय चरा मयूर
राष्ट्रिय फूल कमल
भनि चिनाइछ

बालशुलभ दिमागलाइ
गल्त संस्कारको
पक्षघातले फितलो बनाइ
अब्बल दर्जाको
शिक्षक कहलाइछ

तर पनि रत्तिभर
ग्यालानीबोध हुदैन
कति लाजमर्दो कुरा

कति सहजै
विज्ञापन दिने गरिन्छ
हाम्रो स्कूलमा
नानीहरुलाई
देश र राष्ट्रप्रती
इमान्दारी हुनुपर्छ
भन्ने पाठ सिकाइन्छ

आफू भन्दा सानालाई
माया र ठुलालाई
आदर सत्कार गर्न
सिकाइन्छ

कति लाजमर्दो कुरा

हुन त त्यहाँ लाज
पचाउन के गाह्रो
जहाँ संरक्षणकर्तानै
कानमा तेल हाली
आनन्द मानेर
निदाइरहेका हुन्छन् भने


गीता थापा (दोषी)
Title: Re: फेसबूकको कविताहरु!
Post by: महाँकाल on April 12, 2011, 09:19:34 PM

कविता-यात्रा facebook
~Jhalak Acharya!

यो देश ...

तिमीलाई
कसैले हिर्कायो?
होइन

गाली गर्यो?
होइन

कसैले जिस्कायो?
होइन
खिल्लि उडायो?
होइन

कसैले बदनाम गर्यो?
बदनाम गरेको होइन
कसैले धम्क्यायो?
अँह! धम्क्याएको होइन
अनि किन उदास?
किन अध्यारो छ तिम्रो अनुहार?

म चुपचाप उभिरहे

त्यसपछि
मलाई अंगालो हाल्दै
टट्कारो स्वरमा बोल्नुभयो

अब मुठ्ठी कस्नु पर्छ छोरा
यो देश
हामी भोकाएकाहरुको पनि हो l
Title: Re: फेसबूकको कविताहरु!
Post by: महाँकाल on April 12, 2011, 09:21:29 PM


कविता-यात्रा facebook

~मातृका पोखरेल
       सर्त

म तयार छु
उनीहरूको पछि लाग्न
तर उनीहरूसँग आँखा हुनुपर्छ
म साँच्चै तयार छु
उनीहरूको पछि लाग्न
तर उनीहरूसँग
शिखर चढ्न तयार
सबल खुट्टा हुनुपर्छ
म वर्षौंदेखि खोजिरहेछु
अघि हिँड्ने मानिसहरूका
झर्झराउँदा आँखाहरू
र, सबल खुट्टाहरू ।

हो मैले नमानेकै हो
अन्धाहरूको पछि लाग्न
र, मैले नमानेकै हो
लङ्गडाहरूलार्इ दौडमा छनोट गर्न
धेरै पटक जनाएको छु असहमति
र, फेरि लेखेको छु यो कविता ।

म तयार छु
उनीहरूको पछि लाग्न
तर मैले खोजेकै हो
उनीहरूसँग
सुदूर यात्राको सङ्कल्प ।
Title: Re: फेसबूकको कविताहरु!
Post by: महाँकाल on April 12, 2011, 09:23:21 PM

कविता-यात्रा facebook

नयाँ वर्षको सिलसिलामा एक गजल
बालकृष्ण थपलिया

पोहोर होस् या अहिले साल उस्तै उस्तै
बन्दुक जस्ले बोकोस् नाल उस्तै उस्तै

सरकार धेरै फेरियो भाषण थरि थरि
न हासको न कुखुराको चाल उस्तै उस्तै

एउटै आकाश एउटै धर्ति विश्व कहाँ पुग्यो
युगौ देखि दरिद्र छौं नेपाल उस्तै उस्तै

क्रान्ति गर्न माहिर छन् हाम्रा महान् नेताहरू
दाहाल, यादव, कोइराला या खनाल उस्तै उस्तै

सहमति सहकार्य एकता भन्न छाड्दैनौ
जति कुरा गरे पनि ताल उस्तै उस्तै

सबैले जित्ने युद्व रैन छ कि कुनै ?
जितोस् कस्ले? शकुनि को जाल उस्तै उस्तै

सहिदका कुरा विष्र्यौ ठाउँमा पुगे पछि
आयौ सडकमा ! ? गाल उस्तै उस्तै

सरकारमा जति बस्छौ बन्द गर्न हुन्न भन्छौ
जब आउछौ सडकमा बबाल उस्तै उस्तै

संसारका मजदुर एक हौं भन्छन् गरिखाने
कोही सरकारमा कोही सडकमा लाल उस्तै उस्तै

छक्कापञ्जा गरेदेखि सत्ता जोकर बन्छ भन्छन्
जुट पप्लु फँरास म्यारिज खाल उस्तै उस्तै

मालामाल भएका छन् कुरा मिलाउन जान्नेहरु
उन्को गर सुन्को दलाल उस्तै उस्तै

शान्ति सुरक्षा विकास कहिले हुने पूरा
न भुतो न भविष्यति काल उस्तै उस्तै

भत्काउन त भत्कायौ बनाउन सकिएन
सामन्ती या बर्लिनका पर्खाल उस्तै उस्तै

मान्छे भई जन्मे पछि बाच्न पाउनु पर्छ
यताको या उताको कङ्गाल उस्तै उस्तै

गर्नु गयो विज्ञानले बनाएन औषधि मुर्खको
मुर्खसँग के लाग्छ ? चण्डाल उस्तै उस्तै

तोड्न खोज्यो षडयन्त्रका तानाबानाहरु
जति गरे पनि बलिया छन् संजाल उस्तै उस्तै

जाँगर भए पढे हुन्छ निस्केका छन् कृतिहरू
सोच, यात्रा अन्तरमनको टँुडाल उस्तै उस्तै

निमको रुखमा सायद गुलियो फल्दैन
घिरौला या अङ्गुर लगाउ झाल उस्तै उस्तै

माथिकाले त ठगे ठगे ठग्यो प्रकृतिले
सुनामी होस् या कोशीको छाल उस्तै उस्तै

कर्म गए बर्मा संगै भन्छन् बुढापाका
जहाँ जाऊ मुग्लान या बंगाल उस्तै उस्तै

तिमी जहाँ बस बालुवाटार वा जाजरकोट
छामी हेर एक पटक कंकाल उस्तै उस्तै

मिलन ,दिनेश जीवनहरू पुगेअरे माथि माथि
जो जहाँ पुगे पनि बाल उस्तै उस्तै

बर्षै भयो घर छाडेको के गरिस् प्रगति ?
नसोध खवर बालुको हाल उस्तै उस्तै
Title: Re: फेसबूकको कविताहरु!
Post by: माया on April 12, 2011, 09:32:56 PM
wow kavita ko varsh yeha po
naya varsa ko sabailai suvkamana!
Title: Re: फेसबूकको कविताहरु!
Post by: महाँकाल on April 12, 2011, 09:48:47 PM
facebook कविता-यात्रा
~Nava Raj Kandel

धरतीमा सन्ध्या ओर्लिएको रात
त्यो रात मैले मुक्तक कोरिनँ
त्यो रात मैले गजल लेखिनँ
त्यो कविताको भीडबाट टाढिएको रात
एउटा क्रुर रात
जहाँ जिउन चाहने मुनाहरुको
जिजीविषा निमोठिएको रात
दर्केको पानीमा चिसो स्याँठबाट
ओत नपाएको रात
एउटा निस्तब्ध रात
चुपचाप मुखमा किला ठोकेर
तान्डवी न्रित्य हेरिरहेको रात!



पहिरो भत्किएर उदास भएको पहाड जस्तै
मन पनि खोंचतिर खसिरहेको रात
फक्रिएर पाखाभरि राताम्य भएको गुराँस झैं होइन
मन कक्रक्क कक्रिएर घोर आशंकामा पसिरहेको रात
त्यो रात- तिम्रो मुटुमा राष्ट्रियता मरेको रात
त्यो रात- विचारको शिखरबाट तिमी झरेको रात
हो, त्यो रात- मलाई निद्रा लागेन, लाग्दै लागेन
केवल तिम्रै यादले सताइरह्यो
तिम्रो निश्चल मुस्कानले झकाइरह्यो
तर आश्चर्य!
तिमी बदलिएको रात
कुरुपतातिर तिमी जकडिएको रात
र, एउटा चेतनशील मस्तिष्कमा
कर्फ्यू लागेको रात
मेरो अगाडि यतिबेला
अतीतका पानाहरु पल्टिरहेछन्
र, देखिरहेछु- तिमी ब्युँझिएको रात
सम्झिरहेछु- कुनै घोर निद्राबाट
तिमी जुर्मुराएको रात
त्यो रात
दिगन्त बन्न सकेन तिमीमा
जीवन्त बन्न सकेन तिमीमा
र, भासियौ तिमी
कहिल्यै नउठ्नेगरी स्वार्थको भासमा
टाँसियौ तिमी
तिम्रै स्वतन्त्रता गुमेको
त्यो सर्वदा नक्कली आकाशमा
र, चिन्न सकेनौ
गर्वले छाती फुकेको रात
नेपालआमाका सजल नयनहरुमा
सधैंका लागि आसुँ सुकेको रात!


तिमी बन्न सकेनौ त्यो उपन्यास
जो सदियौंदेखि भोक, रोग, अशिक्षा
र, गरिबीमा पिल्सिएर पनि
आफ्ना हाडका बज्रहरुले पहरा फोरेर
आफ्नै मुटु निचोरेर
रुखो धरतीलाई हराभरा पारेर
दुनियाँको प्राण धानिरहेका श्रमिकहरुको
पसिना लुटेर रजाइँ गर्ने
लुटेराहरुका खिलाफमा कोरियोस्
पहिल्याउन सकेन तिम्रो मुक्तकले
कि, संसारमा सबैभन्दा बलिया हातहरु भनेका
न्यायका लागि उठेका हातहरु हुन्
जान्न सकेन तिम्रो हाइकूले
अठार घण्टा पसिना चुहाउनेहरु
आफ्नो श्रमबाट ठगिएको बेला
जागरणको हरफ बन्नुपर्छ
र, बन्न सकेनौ तिमी त्यस्तो कविता
जो तान्डवन्रित्य मच्चाएर
न्यायको मजाक उडाउनेहरुका खिलाफमा
नेपालआमालाई बलात्कार गरेर
विजय उत्सव मनाउनेहरुका विरुद्ध विष्फोट होस्
बन्न सकेनौ तिमी गजलको त्यो सेर
जो तथाकथित आधुनिकताको खुनी पन्जाबाट
नांगिरहेको तिम्रो पुस्ताको शरीरमा
लाज ढाक्ने एकसरो कपडा बनोस्!


त्यसैले त्यो रात
मैले मुक्तक कोरिनँ
न त मैले कविता लेखेँ
एउटा क्रुर रात
भयानक रात
निस्तब्ध रात
विचारको शिखरबाट तिमी झरेको रात
तिम्रो मुटुमा राष्ट्रियता मरेको रात
धरतीमा सन्ध्या ओर्लिएको रात!
Title: Re: फेसबूकको कविताहरु!
Post by: काली on April 13, 2011, 04:20:58 AM
FaceBook ma Mahakalko kabita chai kahile aauchha?
Title: Re: फेसबूकको कविताहरु!
Post by: महाँकाल on April 13, 2011, 07:23:30 PM
jaba kaalee ko book mahakaal ko face hunchha ! :write
Title: Re: फेसबूकको कविताहरु!
Post by: काली on April 14, 2011, 12:47:50 PM
Like :Laughing:
Title: Re: फेसबूकको कविताहरु!
Post by: महाँकाल on April 26, 2011, 09:12:31 AM
Ram Gopal Ashutosh
लक्ष्मणरेखा

आमा
प्रायः आफू
सन्त्रास र अन्धकार भूमरीमा जून हराएको अनुभव गर्छु
किन प्रश्न निरुत्तरित !

हिजोसम्म
साहस थिएन प्रहार गर्ने विपरित प्रतिकृयाको क्याराभान तेर्सिन्थ्यो
तिम्रो मर्यादा र ममत्वको लक्ष्मणरेखा !

आमा
म विवश किन छु
यो औतारी बाँच्ने
पाखण्डी पण्डित र मठाधीश दलदलमा धसिँदै जान
म अभिशप्त किन छु
सुनामी क्याट्रिना र सोमालिया राज्यद्वारा
मेरो सार्वभौम अधिकार
मेरो सौन्दर्यबाट छेकिन

आमा
विन्ति कर नगरिदेऊ
नाकमुनि मेरो अस्तित्व पुर्ने
महेन्द्रमाला झोला बोक्न आमा
विन्ति मलाई
पढ्न जा नभनिदेऊ
शान्ति संविधान र समताविहीन
आडम्बर र हिंसाको यो पूँजी पाठशालामा ।

म सडकमा,सदनमा, हल, पसलकवलमा
क्रान्तिका शब्दमानव विक्रीमा देख्छु कैफियतमा
शान्तिकामी जनाएर
आवरणमा क्रान्तिकारी बाँचेर
काठमाडौँका चोक-गल्लीलाई सराप्दै
सत्तापूजारी र झोले-तलुवेहरु त
टोलीका टोली काठमाडौँ बाँच्दो छन् ।

हिजो मैले पुज्ने मेरा दाजुहरु
मैले आदर गर्ने मेरा पिताहरु
किन दुस्सासन र धृतराष्ट्र हाँसिरहन्छन्

युग परिवर्तन किन
रुपान्तरण किन होइन ?

यो पूँजी बजारमा
किन निःशब्द रुवाइ आमा
किन शान्ति संविधान
र समता अभिषप्त छन् दुस्सानको पाउ मोल्न
किन विवश छ
मौलिक हक धृतराष्ट्रहरुको अन्धकार मोह हाँस्न

यो रैथानै फूलहरूको तपोभूमि
यो कर्मठ आदिबासी बगैँचामा
न घामले ताप दिन्छ
न क्रान्तिले राप दिन्छ ।

न साधु साधुजस्तो
न शासक शासकजस्तो
अप्ठ्यारोमा फलेको फर्सीजस्तो
असमय फुलेको
लालीगुराँस कत्ति सुहाएन ईश्वरको पाउमा
जसरी सुहाएको छैन
पद, सम्मान र नाम
वर्तमान यथास्थितिका पुजारीहरुलाई ।

म भन्छु
पर्खाल हो शब्दले ढल्दैन
म उज्याउँछु हथौडा
र भत्काउन खोज्छु पर्खाल
मेरो क्रान्तिकारी मौलिक भूमिमा
उनीहरु प्रतिक्रान्तिको आरोप रोप्छन्
म शान लाउँछु हँसियामा
र खोज्छु सखाप पार्न बनमारा झार
मेरो इमानदारीको कुमारी खेतमा
उनीहरु देशद्रोहको आरोप फलाउँछन् ।

भो आमा
मेरो अडान
शान्ति र संविधान मात्र होइन मेरो अडान
समतामुलक राज्य र समावेशी आकाश मात्र होइन
मेरो अडान
सम्मुनत तपोभूमि हो
सहअस्तित्व सहकाल इन्द्रेणी अभिभाज्य सार्वभौमसत्ता हो

सक्छौ झुन्ड्याउन
मेरा भाइ दाजु र पिताहरुको घाँटीमा
इन्द्रजित कुम्भकर्ण र रावणको बिल्ला !!
सक्दैनौ
कोरिदेऊ लक्ष्मणरेखा
र लेखिदेऊ बसियत
मेरो आदि बगैँचा हिरण्यकश्यपूको नाममा
कोरिदेऊ लक्ष्मणरेखा
र राजीनामा पास गरिदेऊ
मेरो रैथाने पहिचान तारकासुरको नाममा वा लेखिदेऊ
मेरो ललाटमा आउटसाइडर

सक्दैनौ भने बिन्ति आमा
मलाई पढ्न जा नभनी देऊ
रङ्गहीन आडम्बरी
र हिंसाको यो पूँजी पाठशालामा

मेरा आदिबासी र म
रैथाने कर्म काफी छौँ लेख्न
हाम्रो आयातकार चारपाते छातीमा
शान्ति, संविधान र समाबेशी नाम
इन्द्रेणी राज्य अज्ज्येय नेपाल ॥

******************************
comment
~Mahakaal
 शिर्षकबाट अलि अलि बाहिर हुत्तिदै पनि आफ्नै धारमा बग्न खोजेको छ कविता!
पाठशाला पढ्न जाउ भन्ने आमा र लक्ष्मण रेखा बिच् समन्वय नभएको जस्तो लाग्यो
कविताको टुङ्गो लगाई पनि शिर्षक अनुसार्, सुरुवात अनुसार अन्त्य भएको जस्तो पाइएन!
यधपि कविताको तारिफ नगरि रहन सक्दिन!
Title: Re: फेसबूकको कविताहरु!
Post by: काली on April 26, 2011, 02:38:45 PM
LIKE :Laughing:
Title: Re: ???????? ????????!
Post by: khem grg on April 27, 2011, 07:35:54 AM
Hoina mahakal bro...yo fessabuk...ma yesto ...nayak banera...harip harip..composerko...pi6e pi6e...elu elu...4akar...ke6...la la ramro kabita...c/p garekoma...timilai...meni meni thankq...bro...
Title: Re: ???????? ????????!
Post by: महाँकाल on April 28, 2011, 05:50:22 PM
~Giriraj Banskota

तिमिलाई अङ्गालोमा कसाउनुमै मज्जा हुन्छ
ओठमाथि ओठलाई टसाउनुमै मज्जा हुन्छ

आखिर मन मिलाउनु छ मिले पछि जेजे हुन्छ
उन्मादका जोशहरु खसाउनुमै मज्जा हुन्छ

हेर्नेहरु फरक देख्छन,बुझ्ने एउटै बुझ्छन्
रहरलाई रहरमा गसाउनुमै मज्जा हुन्छ

भावमा बग्दै जादा सामीप्य गहिराइमा
जोश भित्र होसहरु पसाउनुमै मज्जा हुन्छ

गहिराई खोज्ने मनमा त्यस्तै मन मिलाएर
क्षणमै थकित बनाई बसाउनुमै मज्जा हुन्छ

तपाईहरु जेजे भन्नुहोस अर्को बाक्य थप्छु म
काउकुति लागाएर हसाउनुमै मज्जा हुन्छ!


******************************
खेम जी मेरो उदेश्य केवल कसैलाई प्रोमोसन गर्नु नि होइन्ना
मात्र हजुर हरुलाई नया कविता सुनाउनु हो!  :pleasantry: :pleasantry:
Title: Re: फेसबूकको कविताहरु!
Post by: महाँकाल on April 30, 2011, 11:20:30 PM
Bibash Bipra
समाधीको कथा ( अकविता )
जाऊ ! हिंड !! हिँडिराख !!
यो काँचको राजमार्गमा
जहाँ काँचका फूलहरु पनि छन
To Say The Glassway Is Perfect !

केवल तिम्रो लागि
झरीलो यौवनको झरना पनि छ
हेर्नु मात्र

महसुश गर्नु पलभरको क्रीडा
लाग्ला थकाई पनि !?
उभिनु !
उभिइरहनु !!
उभिइदिनु !!!
अनि पढ्नु पसीनाको बहाब -मौनतामा
सामुन्नेको काँचको हीमाल जो
तिम्रो शरिर नदीको तस्वीर प्रदर्शन् गर्दैछ
गर्न दिनु
तिमि नबस्नु यो काँचको राजमार्गमा
उभिनु !
उभिइरहनु !!
उभिइदिनु !!!

चिसो छ यो मौसम् l हरपल् चिसो l
तिमी तातिनु
बाल्नु आफैँ भित्र को इन्धन् ()र ताप्नु
नजलोस् आफ्नो मन !
तिमी अहिले आफ्नो समाधी देख्दै हुनेछौँ
जुन तिम्रो सामुन्ने छ !
अब जल्न दिनु
आफ्नो सरीरलाइ र ताप्नु मनले
To Prove The Glassway Is Perfect !
Title: Re: फेसबूकको कविताहरु!
Post by: काली on April 30, 2011, 11:24:15 PM
wah wah wah
Title: Re: ???????? ????????!
Post by: khem grg on May 01, 2011, 02:49:22 AM
Mahakal bro thankq for your hard work...and thankq being with us...mahakal bro...if never minded...yeti mitha mitha..kabikar harulai hamro gau..i mean..forum tira visitting garayeta...ati uttam hune thiyo...ra ma jasto gamle pani sabai sanga..chinjan garna pautyo...tyo pani kapal korer....
Title: Re: फेसबूकको कविताहरु!
Post by: काली on May 01, 2011, 11:38:10 PM

                       सिम्मा र सम्झना

-Limbu Khagendra

धरोधर्म!
मैले तिम्रो रात सापटी लिएर..
खान्ग्रे भरी-भरीको तिम्रो माया
टेम्के डाँडाको उकालोमा ..
हैरानले छिचोलेको थिएँ ,
ए सिम्मौ !
कसम होला ..यो भीडमा पनि
तिम्रो मायाको सुगन्ध...
त्यै बूकिफूल र तितेपाती भएर
मगमगाई रहन्छ..
मेरो निस्वास भरी-भरी .!

तिम्रो
चोलीको तूनाको कसम !
मुचुन्गाको धूनको कसम !!
उधौली उँभौलीको पूजामा
..छम-छम ...
ढोल-झ्याम्टासंग
एक शय पांच शिली
तिम्रो
प्राकृतिक नृत्यको सलाम.. !
सत्ते-सत्ते,
यो सागरबीचमा पनि
किन होला -
दुधकोशी,अरुण र तमोरको पानी
तिर्खाएको म ?
त्यो भन्दा पनि-
तल बाँस झ्यांग फेदीबाट
तिमीले घैंलो कम्मरमा राखेर
ल्याएको पानी सम्झिएर
यो बिशाल मरुभूमि
अहिले नै पिउँ-पिउँ झैं लाग्छ !

ए सिम्मौ !
तिम्रो माया
तिम्रो संझना
पारूहांग-सुम्निमा भएर ..
गढ़नु सम्म गढेको छ छाती भरी ..
यत्रो बर्ष, यत्रो साल पनि
..आम्मै !,
म त
अझै माटो नै गन्हाउँदो रहेछु ..
खै बुइंपाको हो कि..हलेशी तीरको..
सिम्पानीको हो कि कटुन्जे तीरको..
के भा' हो कुन्नी!
यो महँगो पर्फ्यूममा पनि
छनुवाको सुन्गन्ध आ'छ !
आपुई!
म त
तिम्रो डबका भरी-भरिको
उधारो माया पो सम्झेछु...
छपनिमा..छानी-छानी भरेको
तिम्रो एक सेर कटुवाको
सम्झना पो कल्पेछु !
कहिले कहीं,
तिमीले जिस्किएर हानेको
बाबरी फूलको चोट
बल्झी रहन्छ एकान्तमा;
लूहौ!
तिम्रो ठट्यौले माया पो सम्झेछु l



सिम्मौ!
मलाई त तिम्रो यादले
घाँसको भारी झैँ बाँधीछ्यौ l
माथि देउरालीको पाती झैँ
अमर-अजर रंगिन मायाका ध्वजा-पत्ताले
भित्र-भित्र गजबले सिन्गारेछ्यौ l
तिन तारा डाँडामा नबस्दै
तिम्रो नूनिलो आँशु ..
कोशीमा मिसाएर
तिम्रो चन्चले आँखामा
सावन रुझाएर..
मलाई तिम्रो पाप लाग्ला!
चिन्डोको निम्ठो भरी..भरी..
जतनले अझै तिम्रो माया
मेरो शिरानीमा सजाएको छु !
हो,
यत्ति भए यहीबाट..
मेरो टेम्के देखी रहन्छु l
मेरो कोशी देखि रहन्छु l
मेरो मायाको गाउँ देखि रहन्छु l
मेरो परुहांग-सुम्निमा..
मेरो सिम्मालाई पाईरहन्छु .. l


ए सिम्मौ !
तिम्रो कसम,
उधौली उँभौलीको कसम,
यो रिबुछे कान्छोलाई
तिम्रो साह्रै माया लागीरहन्छ
सत्ते-सत्ते,
.....तिमीलाई चण्डी नाच
मन परे भन्दा झुसी-झुसी....!!

हिजो साँझ अचानक फेरी-
सम्झनाको पहिरोले बगाउनु-बगायो ...
पिखुवामा खसें कि
!त्रिबेणीमै फसें खै!
आपुई !
लिंग्दे नानाको गाली संझेर
धन्नै-धन्नैले सम्हालीएछु l
कान्छा कोपाको आशिर्वादले .
यलम्बरको छाती मागेर...
कसो-कसो बाँचेछु l

सिम्मौ!
तिमीलाई थाहै छ-
यादको चाप बढेको बेला ..
मलाई कुल-देउता लागी रहन्छ l
पकूसंग ,
चण्डी थानमा पानी चढायौ की !
सात-माइको भाकल गर्यौ ! .
आज अलि सन्चो भएको छु !
मायाले हो कि मूर्छनाले हो..
पात टिपेर
तिम्रो भाका चोर्न मन लागेको छ l
सै सैला हूर्रा हा ..हा..पनि
फूर्नु सम्म फूरेको छ l

आपुई !
यता पनि झूल्किँदो रहेछ जून
तिम्रो शीरको शीरफूल जस्तो
चेप्टे सुन जस्तो-
फेरी ,
आमाको काँडे चूराले छाती कोतर्छ..
पारी खरबारी डढेलोले खाए झैं
उजाड बनाएर
आमा र तिम्रो रुप
मैले डांडा काटेर आएँ..l
त्यो आगो -
त म भित्र सल्की रहेछ ..l
लाल-पट्टा साहूलाई बुझाएर..
चोया कात्दै-
सपनाको डोको
बुन्नु हुँदो हो बाबा !
म पनि भित्र-भित्र बहुत रुझेको छु l
किनेमा,सिन्की र सुकुटी पाउँदा
तिम्रो नाउँको चिट्ठी हात पर्दा -
गाँठे !
तल फाँटको
बेंशी खेत पो आँटदो रहेछु
रातभर-रातभर .....................!

सिम्मौ!
गाई गोठ ढले झैं ,
दु:ख ढालौंला भनेर ..
एक सेर रक्सी र मोहर पैसा
सिम्मापा-सीमामा सामू
इज्जतले राखौंला भनेर..
अरे हो !
यो बिरानो ठाउँमा
साह्रै बलियो पो भा'को छु l
अत्ति नै जाँगरिलो भा'को छु !

सिम्मौ!
तिम्रो उधारो रात
उधारो माया .
सापटी लालीमा
सापटी सम्झना ...
ऊंधौली-उंभौली प्रेम
सबै-सबै -
कल्पनाको ढाकरमा कोचेर
अहो!
अक्करको भीरमा
हैरानले छिचोली रहेछु ..
भालेको डाकसंगै मिर्मिरेमा
पात बजाउँदै मलाई लिन झर्नु है..
तल भन्ज्यांगको चौतारीमा !
छिट्टै भेट्ने बाचा गर्दै
मनको देउरालीमा
म पनि पाती चढाई रहेछु
भक्कानो दाबेर ....
लौ त !सिम्मौ ..
तिमीलाई मेरो
मायाको मुरी-मुरी कोशेली!
सै ढोले सै............!
सै ढोले सै............!
Title: Re: फेसबूकको कविताहरु!
Post by: काली on June 05, 2011, 12:36:56 AM
अनुभूतिका रङ्गहरू
विधा: कविता
कवि: मुकेश राई
प्रकाशक : नेपाली प्रतिभा प्रतिष्ठान, बेलायत
______________________________


कस्तो छ परदेश ?

घर छोडी जाने दरसन्तानका
सम्झना संगालेर आमा सोच्दिहुन
कस्तो छ परदेश ?
असार पन्ध्र छ आमा परदेश
मंसिर कहिल्यै पाक्दैन,
सोध्छौ सधैं कस्तो छ दुरदेश रु
नियति न हो दुस्ख कहिल्यै भाग्दैन !

हल बाँधेर आफ्नै मनको
हली भै जोतिनु छ्,
मनको खेतमा कहिले कहीँ
उत्साह र खुशीहरु फूल्छन
अनि केही बेर
जोश जाँगरको वसन्तहरु छाउँछन,
तर धेरै जसो उदास फूलहरु फूल्छन
जखमले घामको न्यानोमा पनि
अधुरो सपना च्यापेर परेली रसाउँछन
बिशेष दिनहरु सम्झेर दुख्ने मनहरुमा
सम्झनाको प्यास झनै बढछ,
त्यसैले आमा मरुभूमि जस्तै प्यासी छ परदेश !

पारिलो घाम हाँस्दा
अर्को तिर बर्षने झरी, बादल बिचको
उदास ईन्द्रेणी जस्तै
अपुरो ईच्छा र अधुरो रहर बोकेर
दोसाँधमा जीवन भोग्नु पर्ने
अनुभूतिका रंगहरुमा रंगिदै
बाँचिरहेछ दूरदेश !

यसैले असार पन्ध्र छ आमा परदेश
मंसिर कहिल्यै पाक्दैन,
सोध्छौ सधैं कस्तो छ दुरदेश ?
नियति न हो दु:ख कहिल्यै भाग्दैन !
Title: Re: फेसबूकको कविताहरु!
Post by: महाँकाल on July 10, 2011, 02:01:02 PM
कालीले पनि फेसबूक कै हो कि
फेस टू फेसको हो
जे को भए नि

कविता त यस्तो पो हो त
Title: Re: फेसबूकको कविताहरु!
Post by: काली on July 11, 2011, 02:56:43 AM
toe ta :Laughing:
Title: Re: फेसबूकको कविताहरु!
Post by: महाँकाल on July 14, 2011, 04:17:49 PM
 :pani ho ta
Title: Re: फेसबूकको कविताहरु!
Post by: काली on July 14, 2011, 04:42:43 PM
अचेल फेसबुकमा त चोरको बिकबिकी छ रेन्त!
Title: Re: फेसबूकको कविताहरु!
Post by: महाँकाल on September 09, 2011, 01:41:10 PM
डाँका र आतंककारीहरुलाई चोर् र पकेटमारदेखि को डर मोई साब् :StickingTongueOut:
Title: Re: फेसबूकको कविताहरु!
Post by: काली on September 10, 2011, 03:49:18 AM
lol
Title: Re: फेसबूकको कविताहरु!
Post by: महाँकाल on September 13, 2011, 01:54:27 PM
बरु डर छ मायालुहरुको :StickingTongueOut:
Title: Re: ???????? ????????!
Post by: महाँकाल on June 19, 2012, 06:12:55 PM
जे~जे बोल्छन् प्रचण्ड,बोलीको चर्चा बढी
'लुट'को भन्दा 'उध्रेको चोली' को चर्चा बढी

जता~जता हारे पनि,गाँठी कुरो अर्कै रैछ
एमालेमा झलु भन्दा,ओलीको चर्चा बढी

पच्यो भत्ता चार्~चार् बर्ष,कुरोकानी छैन गाँठे
हिजै देखी बिग्रेको छ,भोलीको चर्चा बढी

दिउँसै मान्छे मार्ने उता,अपराधी फरार भयो
हत्याराको भन्दा यता,गोलीको चर्चा बढी

क्या गज्जब छ!बिकृतीको,पिछा गर्ने परिपाटी
दसैं,तिहार,तिजको भन्दा,होलीको चर्चा बढी~deepak kaafle
Title: Re: ???????? ????????!
Post by: महाँकाल on June 19, 2012, 06:33:58 PM
सुजन ढुंगेल चिरन
 तिम्रो भट्टी पसलको च्यापै रमाइलो
 लुकि लुकि खादा लाग्ने झ्यापै रमाइलो
 
 वोतल समाई चुम्न थालें लागेपछी घुम्न थाले
 तिम्रो हात समाइ नाच्ने रयापै रमाईलो
 
 लास्टै नै झुर गरेऊ फेरी थप्ने सुर गरेऊ
 लागेपछी तिमीले गर्ने रयाकै रमाइलो
 
 पिउन्जेलेल त मजाआयो यो ज्यानले तिमीलाइ पायो
 घरमा मेरि  श्रीमतिको घोक्रे ठ्याकै रमाईलो
Title: Re: फेसबूकको कविताहरु!
Post by: काली on July 06, 2012, 03:12:47 AM
wawww
Title: Re: फेसबूकको कविताहरु!
Post by: khem grg on September 08, 2012, 01:53:02 AM
maile ni wa wa wa  gare hai salam maahaakal jyu hajur lai
Title: Re: फेसबूकको कविताहरु!
Post by: महाँकाल on September 10, 2012, 09:49:27 PM
salam walekum!
khemu!
Title: Re: फेसबूकको कविताहरु!
Post by: khem grg on September 11, 2012, 02:02:27 AM
maalekum salam.. mahha kaal jyu... when  mudirr intaaaaaaaaaaa?